Club Atlético Osasunak Leganesen aurkako partida prestatzen jarraitu du gaur Taxoaren. Partida apirilaren 7an jokatuko da, astelehenean, 21:00etatik aurrera, Butarqueko futbol-zelaian. Talde gorritxoa ate irekiko saio batean entrenatu da, aktibatzeko ariketak, paseko gurpilak eta lan taktikoa eginez.

Unai Garciak eta Bryan Zaragozak bakarkako lanekin jarraitu dute. Bestalde, Iker Muñozek bere lan-plan espezifikoarekin jarraitu du. Promesas taldeko Pablo Valencia, Jon Garcia, Unai Santos eta Alex Jimenez jokalariek parte hartu dute lehen taldearen lan saioan.

Talde gorritxoa bihar, apirilak 5, larunbata, arituko da Sadarren ateak itxita. Saio honen ostean, Vicente Morenok prentsaurrekoa emango du Leganesen aurkako partidaren aurretik. Igandean, Taxoaren 10:30etatik aurrera ateak irekita entrenamendua burutuko dute.