Club Atlético Osasunak lan saioa egin du gaur Taxoaren, atzo atseden hartu ondoren, eta apirilaren 7an, astelehenean, Butarqueko Estadioan jokatuko den Leganesen aurkako norgehiagoka prestatzen hasi da. Talde gorritxoa gimnasioan aktibatzeko ariketen, defentsa-ohituren, abiadura-lanaren eta lan taktikoaren bidez entrenatu da.

Bestalde, Iker Muñozek errekuperazio-planarekin jarraitu du, eta Unai Garciak eta Bryanek bakarkako lanekin jarraitu dute. Promesas taldeko Pablo Valencia, Asier Osambela, Unai Santos eta Isma Sierra jokalariek parte hartu dute lehen taldearen lan saioan.

Talde gorritxoak bihar, apirilak 4, entrenamendua egingo du, 10:45etik aurrera, Taxoaren. Larunbatean, Vicente Morenok zuzentzen duen taldeak saio bat egingo du ateak itxita Sadarren, eta igandean prestakuntza amaituko du Taxoaren entrenamendua eginda.