Vicente Moreno Osasunako entrenatzaileak prentsaurrekoa eman du gaur goizean Realaren aurka jokatuko duen Errege Kopako final-laurdenetako partidaren aurretik (otsailaren 6an, osteguna, 19:30ean, Reale Arena). "Ilusioz gainezka nago, partida iristeko gogoz. Elkarrizketaren batean esan nuen final bat jokatzeagatik ordainduko nuela, eta oso azkar eta erraz hitz egin genuen, baina egia esan finalerdi bat jokatzeagatik ordainduko nuen. Lehenik eta behin, kanporaketak pasatzen joateko aukera ematen dizulako, eta gero, Realaren aurkako partida oso zaila dugulako, zaila izango delako, gauzak oso zail jarriko dizkigutelako", adierazi zuen.

Iragan igandean Realaren aurka lortutako garaipena "eragozpen handia" ote den galdetu diote Osasunako entrenatzaileari. "Nik beti esaten dut irabazi, galdu edo berdintzearen arteko lerroa oso estua dela, eta jokatu ditugun partida berberekin galdu edo berdindu egin genezakeela, baina egia da hiru partidak irabazi ditugula eta horrek aurkariari aktibazio puntu bat jartzen diola eta zailtasun puntu bat jarriko digutela uste dut", azaldu zuen, "aurretik jokatutako partida horiek lotesleak direla edo biharko partidarekin zerikusirik izango dutela pentsatzen badugu, oker eta larri ibiliko gara". "Aurretik egindakoarekin ez digu balioko, esfortzuak biderkatu behar dira, asmatu egin behar da eta egiten jakin behar da. Aurreko partidetan baino hobeto egin beharko dugu biharko partida irabazi nahi badugu ", azpimarratu zuen. Ildo horretan, Reale Arenan aukerak izateko bidea "aurrekoan ondo egin genituen gauzak biderkatzea" dela nabarmendu zuen, "askoz hobeto egin beharko dira, hobetu zitezkeen gauzak hobetu egin beharko dira, arazorik ez badugu izango, eta aurki ditzakegun gauza ezberdinek konponbidea emateko asmatu egin beharko dutelako".

Azkenik, teknikariak mezu bat bidali zien zaleei, eta aurrera egin nahi dutela nabarmendu zuen, "atzean ilusioa egiten dion jendea dugulako, eta jakitun garelako 6.00 pertsonak eman dutela izena egoteko; jakitun gara egongo direla, egon ezin izan direnak eta partida ikusten etxean egongo direnak". "Orduan, eman nahi diegu, atsegin eman eta pozik egon daitezen. Joan den astean esan nuen bezala, gure motorra da, eta ahal badugu, nahi duguna da, jendea pozik egotea ", esan zuen.