Club Atlético Osasunak 300 sarrera jaso ditu U. D. Las Palmasen aurka urtarrilaren 24an, ostirala, 21:00etatik aurrera jokatuko den partidurako. Sarrerak 30 euro balio du eta klubeko bazkideei eta "Gorritxoa Naiz" txartelaren titularrei bakarrik salduko zaizkie.

Partidarako sarrerak urtarrilaren 15ean (asteazkena) 9:30etatik urtarrilaren 20an (astelehena) 19:30ak arte salduko dira. Bulegoen ordutegia: 9:30etik 13:30era eta 16:30etik 19:30era, astelehenetik ostegunera, eta 9:30etik 13:30era, ostiralean.

Pertsona berak hainbat sarrera eros ditzake nahi adina txartel eramanda, eta gehienez ere 10 eserleku pertsona bakoitzeko. Iruñetik kanpo egoteagatik bulegoetan sarrerak erosteko aukerarik ez duten bazkide eta 'Gorritxoa Naiz' txartela duten guztiek Las Palmasen jaso ahal izango dituzte partidaren egunean. Horretarako, aldez aurretik klubarekin harremanetan jarri behar dute socios@osasuna.es helbidera mezu bat bidaliz eta ordaintzeko modua eta jasotzeko lekua eta ordua adieraziz.

Partida honetarako sarrerak izendunak dira. Club Atlético Osasunak ez du bere gain hartzen erosketa unean identifikatu ez diren pertsonek sarrerak erabiltzeko ardura. Sarbideetan, NANa eramatea gomendatzen da, edo, hori ez duten adingabeen kasuan, familia-liburua.