Vicente Moreno komunikabideen aurrean agertu da Osasunak Tenerife mendean hartu ostean. Gorritxoen entrenatzailea pozik agertu da bere taldeak Errege Kopako final-zortzirenetarako txartela lortu duelako. "Pozik, final-zortzirenetan egon nahi genuelako. Oso lehiaketa polita da. Guk badakigu zenbateko garrantzia duen Osasunarentzat eta hurrengo zozketan egon nahi genuen, beraz pozik gaude gaurko garaipenarekin", azaldu du Osasunako entrenatzaileak.

Entrenatzaileak jokalariak zoriondu nahi izan ditu partidaren ostean. "Nire jokalariak zoriondu nahi ditut partida hartu behar den bezala hartu dutelako. Hala ere, zailtasunak egon dira, baina egia da lehen zati oso ona egin dugula, kontrola izan dugula. 0-3 posibletik, 1-2ra igaro gara, eta horrek beti ematen dizkio aukerak aurkariari eta zaildu egiten dizu, aurkariak bigarren zatia beste modu batera hartzea eragiten du. Bigarren zatia trabatuagoa izan da, ez da gauza handirik gertatu, baina pozik final-zortzirenetan egoteagatik ", nabarmendu du.