Osasunak akordioa lortu du Club Deportivo Mirandesekin Iker Benitok utzita jokatzeko. Burgoseko taldeak ez du jokalari gorritxoa erosteko aukerarik izango.

Iker Benito Sánchez (Miranda de Ebro, 2002ko abuztuaren 10a), talde gorritxoarekin 2027ko ekainera arte lotua, Espainiako futboleko zilarrezko mailan arituko da berriro, joan den denboraldian F. C. Andorran minutuak jokatzeko aukera izan ondoren. Iker Benitok 38 partida jokatu zituen LaLiga Hypermotionen, horietako 25 titular gisa, eta bat Errege Kopan. Andorrako klubean egon ondoren, udan lehen taldera itzuli zen harrobiko jokalari gorritxoa, eta lau agerpen izan ditu denboraldi honetan. Orain, Iker Benitok C. D. Mirandes taldean jokatuko du, LaLiga Hypermotionen sekulako kanpaina egiten ari den taldea, igoera zuzeneko postuetan bigarren dagoelarik.