Club Atlético Osasunak lan-saio gogorra egin du denboraldiaurreko lehen astean. Aktibazioa, jabetzak, ariketak espazio txikietan eta futbola izan dira nagusi. Asier Osambela eta Carlos Lumbreras bigarren taldeko jokalariak entrenamenduan sartu dira, eta jokalari guztiak taldearekin aritu dira, David Garcia eta Kike Barja izan ezik. Davidi lan-karga kendu zaio, eta Kikek errekuperatzeko plan espezifikoarekin jarraitu du.

Bihar atseden hartu ondoren, taldea astelehenean itzuliko da lanera. Goizeko entrenamendua 9:30ean hasiko da eta arratsaldekoa 19:00etan. Asteazkenean, Vicente Morenoren mutilek ere lan bikoitza egingo dute, eta astearte, ostegun eta ostiralean goizez baino ez dute lan egingo.

Larunbatean, hilaren 20an, denboraldiaurreko lehen partidaren txanda izango da, Osasuna Promesasen aurkako lagunartekoa, 10:30ean, Taxoaren. Filialak aste osoan zehar lehen taldearekin batera lan egingo du denboraldia prestatzeko.