Club Atlético Osasunako zortzi bazkidek aukeratu dute 2024/25 denboraldirako ardo ofiziala. Esperientzia enologiko batean egin zuten, Otazuren eskutik eta David Garcia, Jon Moncayola, Iker Muñoz, Pablo Ibañez, Max Svensson, Xabi Huarte eta Iñigo Arguibide futbolariekin batera.

Ekitaldian parte hartu zutenak klubak bidalitako newsletter baten bidez izena eman zuten 891 bazkideen artean egindako zozketa baten emaitzak izan ziren. Esperientzia Otazun izan zen, non bazkideek eta futbolariek hiru mahats mota landatzen diren 93 hektareako finka bisitatu ahal izan zuten: Cabernet Sauvignon, Merlot eta Tempranillo.

Osasunako bazkide eta jokalariek Otazu Private Cellar programaz gozatu ahal izan zuten, azken ardoari nortasuna eta izaera emateko. Otazuko enologoak gidatuta, barietate bakoitzaren proportzio desberdinekin esperimentatu zuten, eta barietate bakoitzak azken ardoan nola eragiten duen ikusi ahal izan zuten, ardo bakar eta pertsonalizatua sortzeko.

Gorritxoek lau talde osatu zituzten, bazkideak eta futbolariak bilduz. Talde bakoitzak muntaia desberdinak sortu zituen, eta, ondoren, bozketa egin zen enologoak eta Otazuko taldeak egindako dastatze itsu batean. Dastatze horren bidez, datorren denboraldirako Osasunaren ardo ofizinala definitu zen.