Osasunak 400 sarrera izango ditu datorren larunbatean, martxoaren 30ean, 16:15ean U. D. Almeriaren aurka jokatuko duen partidarako. Sarrerak 30 euroko prezioa izango dute eta bazkideei eta 'Gorritxoa Naiz' txartelaren titularrei baino ez zaizkie salduko.

Sarrerak martxoaren 21ean (osteguna) 09:30ean eta martxoaren 27an (asteazkena) 19:30ean salduko dira Sadarreko bulegoetan. Bulegoen ordutegia 9:30etik 13:30era eta 16:30etik 19:30era da astelehenetik ostegunera eta 9:30etik 13:30era ostiraletan. Larunbat eta igandean bulegoa itxita egongo da.

Osasunak bazkideei eta 'Gorritxoa Naiz' txartelaren titularrei bakarrik salduko dizkie sarrerak. Pertsona berak hainbat sarrera eros ditzake nahi adina txartel eramanez, gehienez 10 eserleku pertsonako. 'Gorritxoa Naiz' txartelaren titularrek eta bazkide guztiek, Iruñetik kanpo egoteagatik bulegoetan sarrerak erosteko aukerarik ez badute, Almerian jaso ahal izango dituzte partidaren egunean. Horretarako, aldez aurretik klubarekin harremanetan jarri behar dute, socios@osasuna.es helbidera mezu bat bidaliz, eta ordaintzeko modua eta jasotzeko lekua eta ordua adieraziko zaizkie.

U. D. Almeriak sarreren erosleen izen-abizenak eta NANa sarreretan inprimatuta agertzea eskatu du. Era berean, estadiora sartzean NANa eskatuko duela ohartarazi du, eta NANik ez duten adingabeen kasuan Familia Liburua aurkeztu beharko dela.