C. A. OSASUNA 1-0 DEPORTIVO ALAVÉS

C. A. Osasuna: S. Herrera, David García (Unai García, m.67), Torró, Moncayola, Aimar (Iker Muñoz, m.79), Kike Barja (Moi Gómez, m.14), Areso, Rubén García (Ibáñez, m.79), Budimir (Raúl, m.79), J. Mojica, Herrando.

Deportivo Alavés: Sivera, Gorosabel, A. Abqar (N. Tenaglia, m.24), Guevara, A. Sola (Carlos V., m.46), L. Rioja (Hagi, m.86), Rafa Marín, Guridi (Kike G., m.46), C. Benavidez, Javi López, Samu (Giuliano, m.74).

Epaileak: Figueroa Vázquez, Granel Peiró eta Martínez Serrato. Txartel horia atera zien Torró eta Herrandori, eta Alavésen Carlos V-ri.

Golak: 1-0 (m.77): Budimir.

Gorabeherak: Sadarren jokatutako LALIGA EA Sports-en hogeita zazpigarren jardunaldiari dagokion partida 17.215 ikusleren aurrean.

Budimirren gol ikusgarri batek, garaipena eman zion Osasunari Sadarren Alavesen aurka (1-0).

Osasuna eta Alaves partidarekin hasi ziren eta inor ez zen nagusi izan jokoan, baina S. Herrerak geldiketa ona egin behar izan zuen lehen gola saihesteko. Lehen zatiko erdialdea igarota, gorritxoek lurralde kontrola eskuratu zuten eta aurkariaren areara iritsi ziren. Lehenengo eta behin, Torrok urrutiko jaurtiketa desbideratuta egin zuen eta, ondoren, David Garciak aukera bikaina izan zuen korner batean burukada bat emanez. Aurrerapauso honekin, talde gorritxoak Budimirrekin konektatzea lortu zuen, honek bi aukera izan zituen buruz desbideratuta irten ziren bi errematerekin. Aimarrek ere aukera ona izan zuen jaurtiketa gurutzatu batekin, Siverak luzapen eder batekin atera zuena, 45. minutuan Budimirren bularrarekin egindako erremate baten aurrean egin zuen bezala. Lehen zatiko azken ekintzan, Samuk zutoina jo zuen area barruan erdiraketa zorrotz bat errematatuz.

Bigarren zatia lehen zatiko gidoi berarekin hasi zen, joko parekatuarekin, non gorritxoak pixkanaka jokoaren eta abaguneen jaun eta jabe bihurtu ziren. Moncayolak area paretik jaurtiketa bat egin zuen, baina aukerarik onenak Ruben Garciaren eta Budimirren botetan egon ziren, baina lehenengo Siverak eta gero N. Tengliak bi aukerak aldaratu zituen. Azkenean, kroaziarrak 1-0ekoa jarri zuen area ertzetik egindako jaurtiketa eder batekin. Partidaren azken txanpan, Alavesek berdinketa bilatu du, baina gorritxoen defentsa eta S. Herrera oso seguru agertu dira eta garaipena ziurtatzeko edozein aukera argi eragotzi dute.

Garaipen honekin, Osasunak 36 puntu ditu LALIGA EA Sportsen. Gorritxoen hurrengo konpromisoa Gironaren aurka jokatuko dute martxoaren 9an, 21:00etan, Montilivi estadioan.